شوور تنی، شار تنی،
چه‌و ره‌شێ نازار تنی
ژان منم،  ژار منم،
دڵ، لە سه‌رێ دار، منم
 
گول تنی خار منم
هاوده‌نگ هاوار منم
یار تنی زار منم
ئاێه‌م  ڕێوار منم
 
خان تنی، گیان تنی
سروە و سەێران، تنی
سەرد منم، سان منم
وێڵم و وەیلان، منم
 
گەرم تنی، نەرم تنی
دڵخوەش و دڵگەرم، تنی
تار منم، تەرم منم
شێتم و بێ شەرم، منم
 
زەڕ تنی، زەرد تنی
لەیلی بێ دەرد، تنی
بەرد منم، دەرد منم
بێ دەنگ و شەوگه‌رد، منم
 
خاڵ تنی، ماڵ تنی
لیمو تەڕ وکاڵ، تنی
چاڵ منم، ڵاڵ منم
کەوترێ بێ باڵ، منم
 
ناخ تنی، کاخ تنی
سەرگوڵ سەرباخ، تنی
ئاخ منم، داخ منم
ئاخ دڵ داخ، منم
 
یار جه‌فاكار تنی
عاشق خه‌مبار  منم
ئه‌ر م وه‌ وه‌سڵت نه‌ره‌سم
سه‌رد و سه‌ره‌وخوار مرم